Таурат

Москва: Кие Китапты коьшируьвши институт, 2023. — 439 б. — ISBN 9785939433303.Пятикнижие на ногайском языке. Pentateuch in the Nogai language.Баалы окувшылар! Биринши кере сизинъ алдынъызда ногай тилине коьширилген Библиядынъ (Кие Китаптынъ) биринши бес китабы. Бу китаплар Кие Китаптынъ (Библиядынъ) христианларда «Эски Антласув» деп аталатаган боьлигининъ биринши кесеги болады. Бу китаплардынъ авторлыгын, аьдеттегинше, Мусага байырлайдылар эм христиан дуныясында оларга «Мусадынъ бескитаплыгы» («Таурат») деп атайдылар. Ювытларда бу китапларга «Тора», ювыт тилиннен коьширгенде «насихат», яде «йорык» дегенди анълатады. Олар буьтин Библияды ашатаган, анълататаган эм асыл негизи болатаган китаплар. Китапларда дуныя эм аьдем яратылувы, куьнадынъ эм азаплардынъ басланувы, Алла ман инсан арасы катнаслар акында хабарланады. Таураттынъ «Яратылув» китабы, ногай тилине эрте коьширилип, 2016–ншы йылда баспадан шыккан эди. Калган китаплардынъ уьстинде ногай тилине коьшируьв ислери 2017-нши йылдан 2022-нши йылга дейим бардырылды.