Bankova İ.D., Baboglu İ.İ., Stoletnäya A.İ. Gagauz dili hem literatura okumakları: 5-inci klas

Chişinău: Ştiinţa; Balacron, 2015. — 259 p.: resim. — ISBN: 9789975679749Siz artık 5-inci klastaysınız! Çekedersiniz üürenmää gagauz dilinin sistemni kursunu. Bu eni kiyat sizdän isteer, ki olasınız dikat, eni materialları üürenärkän, çalışasınız annamaa gramatikada olan proţesleri, bulasınız lafın içindä, lafların hem cümlelerin arasında baalantıları. „Gagauz dili” hem „Literatura okumakları” bölümnerindän kurulu kiyatta hepsi var: tekrarlamak ta, eni materialların kuralları da. Bu kurallara görä siz üüreneceniz cümlelerin, sözlerin, tekstlerin dooru kurulmasını, lafların yazılmasını orfografiya tarafından, leksika, stilistika hem punktuaţiya tarafından. „Gagauz dili” bölümündä koyulêr sistemaya diil sade orfografiya kuralları, ama sözleşmäk tematikası da, angıları gittikçä, siz büüdükçä, genişleneceklär hem derinneneceklär. Sizdän isteniler sade bir iş: herbir temayı, kuralı çalışasınız annamaa da onu praktikada kullanmaa. Üürenin, paalı dostlarımız, ne yazılı bu kiyatta; üürenin, ne veriler evä; üürenin, ne istener sizdän, da ozaman hiç şüpelenmeyin, ani sizdän çıkmayacek üüredici yada biznesmen, doktor yada injener, menecer yada başka bir zanaatçı, çünkü, dili bileräk, onu dooru kullanarak, herbir zanaatı var nicä edenmää.